最近見大家出post話megabox多咗好多野玩，我哋都唔執輸去行下！先去全新歡樂天地、全新玩具反斗城、mothercare、aeon同h&m，都已經行咗幾個鐘，仲唔係好夠時間行埋其他店！其實好似搬離咗東九龍果邊都唔夠一年，依家多咗咁多野玩嘅？
之前去過九展果個歡樂天地已經覺得唔錯，但呢度更加大間，仲有碰碰車玩添，不過成50代幣玩一次，真係有啲唔捨得！同埋啲遊戲機都幾新幾多款式，唔再係冒險樂園果啲普通野！不過最奇怪就係L1 Aeon都有個相似嘅小型遊樂場，但好多設施都同歡樂天地係一樣嘅，所以揀其中一個去就ok嗱！
玩具反斗城就搬咗上9樓，整體唔係真係話大咗好多，但環境四正同光猛咗好多，空間更闊落無壓迫感，幾好行！同埋玩具分類分得幾好，擺得好整齊，感覺上睇多咗啲其他分店無嘅玩具！
整體感覺都唔錯，下次落雨都應該會專登返黎同小朋友玩，如果行埋ikea同實惠，真係可以消磨足成日！
—————————
FB: https://facebook.com/profile.php?id=155831361844211
IG: https://www.instagram.com/bowl_lam/
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #megabox #親子好去處 #假日好去處 #親子室內好去處 #親子商場 #放電 #遊樂場 #歡樂天地 #玩具反斗城 #aeon
Search